आज प्रतिनिधि सभाको बैठकमा आकस्मिक समयमा सांसद अमरेशकुमार सिंहले २०४७ सालपछि न्यायपालिका, व्यवस्थापिका तथा कार्यपालिकामा सार्वजनिक पद धारण गरेकाहरूको सबैको सम्पत्ति छानबिन गर्नुपर्ने माग गरेका छन् ।

स्वतन्त्र सांसद सिंहले सार्बजनिक लाभको पदमा २०४७ साल देखि बसेका सबैमाथी निष्पक्ष छानबिन गर्न अधिकार सम्पन्न न्यायिक समिती बनाउन पर्ने माग राखेका छन्।

उनले भने, ‘म सरकारसँग माग गर्न चाहन्छु । ०४७ सालदेखि जो लाभको पदमा बसेको छ, सरकारमा गएको छ । चाहे त्यो कार्यपालिकामा गएको होस्, त्यो न्यायपालिका र व्यवस्थापिकामा नै किन गएको न होस् । सुरक्षा निकायमा हुन् या कर्मचारीतन्त्रमा गएका हुन् । उसको निष्पक्ष, न्यायिक छानबिन गर्नुपर्दछ ।’

देशको आधाभन्दा बढी बजेट विदेश गएको र आधा बजेट नेता र कर्मचारीले भ्रष्टाचार गर्दा देश बर्बादीतर्फ गएको उनको टिप्पणी छ ।